Transcription
1
Monseigneur, pour réponce à celle quil vous a pleu
2
mescrire du XVII de ce mois, jay fait selon ce que vous me
3
commandiez par vos lettres et suivant ladvis de monsieur d’Evènes,
4
quant au faict d’Apt, je ny ay encores rien fait, toutesfois
5
si messieurs d’Evènes et de Chatelard sont dadvis que je
6
le poursuive, je le feray. Je vous ay escrit par ci devant
7
comme j’avois présenté à la royne la lettre que vous lui escri-
8
viez pour ma tante Loyse. La letre que la royne escrit à
9
monsieur d’Aix en faveur de ma ditte tante est sinée ; il
10
est vray que je ne l'ay peu encores recouvrer, mais
11
aussi tôt que je lauray, je vous lenvoyeray. Jay prins
12
les trois cent livres que Mizaud ma fait fournir et
13
vous asseure que largent sen va bien vittement pour
14
y estre les vivres extrêmement chers et aussi les logis.
15
Je m’asseure que monsieur d’Evènes vous en aura dejà adverti.
16
Javois oublié à vous dire par mes precedentes comme
17
monsieur d’Evènes voyant que le cheval que javoys amené
18
pour tirer la charrete, ne pouvoit servir, a esté dadvis
19
de le vendre, car aussi bien neut-il fait que de pren-
20
dre. On la vendu cinc escus. Voilà Monseigneur, ce que
21
je vous puis dire pour ceste heure, après vous
22
avoyr baisé bien humblement les mains et supplié le
23
Créateur vous donner
24
Monseigneur, ce quil connoit vous estre necessaire.
25
De Paris, ce XXIII septembre 1572
26
Votre très humble filz et très obéissant
27
serviteur à jamais
28
de Simienne. Alleman
29